Здзейсніць мару пра падарожжа ў часе запрашае навукова-папулярнае выданне выдавецкага дома «Звязда». Фотаздымкі і паштоўкі з выявамі Гродна даюць уяўленне аб тым, чым жыў, як рос і ў што пераўтвараўся старажытны Гродна на працягу канца XIX – 70-х гадоў XX стагоддзя.

У кнізе амаль няма тэксту. Прадмова і кароткія подпісы да ілюстрацый. Чытач застаецца сам насам з горадам, яго вуліцамі і мастамі, жыхарамі і гасцямі, мясцовымі святамі і трагічнымі падзеямі. І нават калі зараз ён жыве ў іншым месцы і часе, можа нянадаўга адчуць сабе тагачасным гродзенцам.