НАВІНКІ БЕЛАРУСКІХ ВЫДАЎЦОЎ
(Не)чысты Мінск: зборнік містычных апавяданняў. – Мінск: Папуры, 2025. – 978-985-15-5955-4. –304 с.
Празаічна, але жыццё ў Мінску падпарадкавана рытму вялікага бяздушнага горада, дзе ўсё разлічана па хвілінах, усе кудысьці спяшаюцца і «трэба ўсё паспець».
Але ўсё інакш у “(Не)чыстым Мінску” – зборніку містычных апавяданняў, дзе горад як быццам ажывае і паўстае перад чытачом поўным таямніц і паранормальных здарэнняў.
У кнізе 15 гарадскіх легенд, кожная з якіх распавядае аб любімых гараджанамі лакацыях, такіх як Мінск-Пасажырскі, ЦУМ, Тэатр оперы і балета, Камароўка, бераг Свіслачы, метро Пушкінская, і звязаных з імі гісторыях. Героі кнігі не толькі простыя мінчане, але і духі, русалкі, лясуны, ведзьмакі і нават лаўцы зорак, што праганяюць кашмары. У апавяданнях шмат гумару і рамантыкі, сямейных і дэтэктыўных гісторый, у кожнай з якіх свой аўтар. Але відавочна, што ўсіх аўтараў аб'ядноўвае любоў да роднага горада, яго гісторыі і традыцый.
Кніга выпушчаная мінскім выдавецтвам “Папуры". Аўтары – сябры таварыства беларускіх фантастаў “Шуфлядка пісьменніка”. У 2024 годзе выдавалася на рускай мове.
