Паўшыя анёлы
«Калумб беларускай даўніны» – так іншым разам у літаратурных колах характарызуюць Вітаўта Чаропку (сапраўднае імя – Віктар Кузьміч Чаропка), беларускага пісьменніка, выбітнага сваім талентам захапляльна расказваць чытачам пра вядомыя і невядомыя падзеі нашай гісторыі. У яго аўтарскай скарбонцы некалькі дзясяткаў кніг мастацкай прозы, сярод якіх «Храм без бога», «Імя ў летапісе», «Уладары Вялікага Княства», «Гісторыя нашага імя», «Перамога ценю», «Вялікі князь Вітаўт».
Новы раман «Паўшыя анёлы» Вітаўт Чаропка прысвяціў тэме кахання і пошуку сэнсу жыцця. Галоўны герой твора – мастак Вітаўт, у якога была мара дасягнуць вышынь у творчасці, раскрыць на палотнах незвычайны сусвет сваёй душы, былі імпэт і натхненне… Але з часам засталося толькі пахмелле, безграшоўе і адзінота. Аднойчы Вітаўт выйшаў з майстэрні, каб прагуляцца, і сустрэў незнаёмца. Той прадставіўся вандроўнікам па снах. Неверагодным чынам з 1939 года Вітаўт разам са сваім сябрам трапляе ў 2009 год. Там пачынаюцца прыгоды, і там, у будучыні, герой сустракае дзяўчыну сваёй мары. Каханне і сяброўства дапамагаюць пераадолець нечаканыя выпрабаванні ў супрацьстаянні з суровай рэчаіснасцю. Рэальнасць у творы пераплятаецца з містыкай, а містыка – з гісторыяй…
Раман складаецца з лагічна завершаных невялікіх апавяданняў, якія маюць інтрыгуючыя назвы: «Чорт ведае што, калі не ведаеш што», «Будучыя людзі – гэта яшчэ не людзі», «Аўтар без героя» і інш. Ну, а фінал кнігі з вялікай верагоднасцю будзе для чытача некалькі нечаканым.
Чаропка, В.К. Паўшыя анёлы : раман : кніга першая / В.К. Чаропка — Мінск : Мастацкая літаратура, 2021. — 213с. — 400 экз. — ISBN 978-985-02-2049-3.
Паказаны толькі: Навукова-папулярныя кнігі (3)Мастацкая літаратура (19)Гісторыя (28)Для дзяцей (12)Краязнаўства (5)Спорт (2)Бізнэс (1)Жаночае пытанне (2)Мастацтва (7)Біяграфіі (7)Кітай (1)Рэлігія (2)Фальклор (1)Літаратуразнаўства (1)Архітэктура (6)Альбомы (3)Казкі (5)Псіхалогія (1)Беларуская літаратура (4)Этнаграфія (4)Жывапіс (2)Віцебск (1)Полацк (1)Паэзія (2)Прадпрымальніцтва (1)Менеджмент (1)Культура (1)Малдова (1)Проза (1)Публіцыстыка (1)Беларусь (33)Археалогія (2)Вялікая Айчынная вайна (6)Гумар (5)Бібліяграфія (1)Друк (10)Кнігавыданне (10)Народнае мастацтва (8)гісторыя (4)СССР (1)Узброеныя сілы (1)Смаргонскі раён (1)Шчучынскі раён (1)архітэктура (1)Художественная литература (1)Белорусская литература (1)Для детей (1)Гродна (1)Фатаграфія (1)Брэст (1)Брэсцкая крэпасць (1)Мінск (1)Яўрэі ў Беларусі (1)Генацыд беларускага народу (1)Кыргызстан (1)