Галоўная » Падзеі » Кнігавыданне Беларусі ў першым паўгоддзі 2018 года

Кнігавыданне Беларусі ў першым паўгоддзі 2018 года

У Беларусі ў першым паўгоддзі 2018 года было выдадзена 4 679 кніг і брашур агульным тыражом 11 695 100 экзэмпляраў. Сярэдні тыраж адной кнігі склаў 2 499 экзэмпляраў.

	Колькасць выданняў	Тыраж, тыс. экз.	Друкаваныя лісты-адбіткі, тыс.
2018	4679	11695,1	105943,32
у тым ліку на беларускай мове	643	2123,0	19630,69
2017	4482	9954,2	92217,0
у тым ліку на беларускай мове	560	2073,3	19689,2

У параўнанні з першым паўгоддзем 2017 года адбылося павелічэнне асноўных паказчыкаў кнігавыдання: колькасць выданняў вырасла на 4,4%, тыраж – на 17,5%, колькасць друкаваных лістоў-адбіткаў – на 14,9%.

 Паказчыкі выпуску беларускамоўных выданняў у параўнанні з аналагічным перыядам 2017 года таксама выраслі: колькасць беларускамоўных выданняў павялічылася на 14,8%, тыраж – на 2,4%. Узрасла і доля беларускамоўных выданняў у агульным патоку кніг. Яна склала 13,7% супраць 12,5% у першым паўгоддзі 2017 года. Нязначна на 0,3% зменшылася колькасць друкаваных лістоў-адбіткаў.