Галоўная » Падзеі » Кнігавыданне Беларусі ў першым квартале 2019 года

Кнігавыданне Беларусі ў першым квартале 2019 года

У Беларусі ў першым квартале 2019 года было выдадзена 2 437 кніг і брашур агульным тыражом 4 991 100 экзэмпляраў. Сярэдні тыраж адной кнігі склаў 2 048 экзэмпляраў.

	Колькасць выданняў	Тыраж, тыс. экз.	Друкаваныя лісты-адбіткі, тыс.
2019	2437	4991,1	40860,23
у тым ліку на беларускай мове	328	644,8	5926,68
2018	2275	4986,6	41784,6
у тым ліку на беларускай мове	294	980,3	8303,66

 

У параўнанні з першым кварталам 2018 года адбылося павелічэнне асноўных паказчыкаў кнігавыдання: колькасць выданняў вырасла на 7,1 %, тыраж – на 0,9 %. Колькасць друкаваных лістоў-адбіткаў нязначна знізілася –на 2,2 %.

Паказчыкі выпуску беларускамоўных выданняў паказалі рознанакіраваныя тэндэнцыі. Колькасць беларускамоўных выданняў павялічылася на 11,5 %, іх доля ў агульным патоку кніг і брашур узрасла з 12,9 % у першым квартале 2018 года да 13,4 % у аналагічным перыядзе бягучага года. А тыраж і колькасць друкаваных лістоў-адбіткаў зменьшыліся – на 34,2 % і 28,6 % адпаведна.