Галоўная » Падзеі » Кнігавыданне Беларусі ў першым паўгоддзі 2017 года

Кнігавыданне Беларусі ў першым паўгоддзі 2017 года

Нацыянальная кніжная палата Беларусі падвяла вынікі кнігавыдання ў Рэспубліцы Беларусь за першае паўгоддзе 2017 года.

	Колькасць выданняў	Тыраж, тыс. экз.	Друкаваныя лісты-адбіткі, тыс.
2017	4482	9954,2	92217,0
у тым ліку на беларускай мове	560	2073,3	19689,2
2016	4641	10905,4	93561,1
у тым ліку на беларускай мове	538	1662,9	16454,7

У краіне было выдадзена 4 482 кнігі і брашуры агульным тыражом 9 954 200 экзэмпляраў. Сярэдні тыраж адной кнігі склаў 2 220 экзэмпляраў.

У параўнанні з першым паўгоддзем 2016 года адбылося паніжэнне асноўных паказчыкаў кнігавыдання: колькасць выданняў паменшылася на 3,4 %, тыраж – на 8,7 %, колькасці друкаваных лістоў-адбіткаў – на 1,5 %.

Пры гэтым паказчыкі выпуску беларускамоўных выданняў у параўнанні з аналагічным перыядам 2016 года выраслі: колькасць беларускамоўных выданняў павялічылася на 4 %, іх тыраж вырас на 24,6 %, а колькасць друкаваных лістоў-адбіткаў – на 19,6 %. Узрасла і доля беларускамоўных выданняў у агульным патоку кніг. Яна склала 12,5% супраць 11,6 % у першым паўгоддзі 2016 года.